[retour à un affichage normal]

Accueil > recherche > Affichage d'une occurrence en contexte

Mazarinade n° C_7_35

Image de la page

Anonyme [1649], DISCOVRS D’ESTAT OV VERITABLE DECLARATION des Motifs, qui obligerent LOVYS LE IVSTE, Roy de France & de Nauarre, à rompre la paix qui fut faicte en l’an 1596. Entre HENRY IIII. son tres-honoré pere, & PHILIPPES II. Roy des Espagnes. OV SE VOIT LE NOMBRE DES places & des Principautez, que les Espagnols ont deuant ce temps la & du depuis vsurpées à ceste Couronne. , françaisRéférence RIM : M0_1108. Cote locale : C_7_35.


esperer de la faire auec la France, si elle ne
luy restituoit tout ce qu’elle luy auoit pris iusques
à la moindre place ? Ne repartit il pas encore
aux Ministres du Duc de Sauoye, lors
qu’ils luy dirent que le Roy d’Espagne passeroit
en Italie, pour deffendre l’heritage de ses
neueux : que c’estoit ce que la France desiroit,
que s’il falloit rompre il estoit asseuré que la
cause estoit iuste, & que la partie en seroit
mieux faicte ? Le Prince qui ne veut pas rendre
d’vn franc-cœur ce qu’il possede, auec iniustice,
quoy qu’il y soit obligé sur peine d’estre
eternellement puny, comme si c’estoit
le moindre des hommes, n’est pas moins funeste
à ses Estats qu’aux celestes felicitez de
son ame. Qui ne rend pas à chacun ce qui
luy appartient, n’est pas moins redeuable à
Dieu qu’à la creature, selon les meilleurs casuistes
du monde. Mais laissons ces especes de
meditations à leur propre synderese, & venons
à l’intelligence de ce que i’ay promis au titre
de ce libelle. Il faut sçauoir que l’Histoire de
Naples & de Sicile, verifient assez que Henry
I. aprés s’estre chargé de conseruer Guillaume
fils naturel de Robert, Duc de Normandie
dans son inuestiture, fut contraint
d’armer & de se mettre en campagne, pour le
deffendre contre Roger, Robert, Guischard,