[retour à un affichage normal]

Mazarinade n° C_7_35

Image de la page

Anonyme [1649], DISCOVRS D’ESTAT OV VERITABLE DECLARATION des Motifs, qui obligerent LOVYS LE IVSTE, Roy de France & de Nauarre, à rompre la paix qui fut faicte en l’an 1596. Entre HENRY IIII. son tres-honoré pere, & PHILIPPES II. Roy des Espagnes. OV SE VOIT LE NOMBRE DES places & des Principautez, que les Espagnols ont deuant ce temps la & du depuis vsurpées à ceste Couronne. , françaisRéférence RIM : M0_1108. Cote locale : C_7_35.

douziesme, pour la somme de trois cens mille
escus, mais la plus part des places ayans refusé
les portes aux François, le Roy les rangea
à la raison, & les contraignit à reçeuoir de
grosses garnissons.
 
Aprés la mort de Loüis, Ferdinand d’Arragon,
bien informé de la trop grande facilité
de Charles VIII. lors encore ieune, enuoya
en France vn Cordelier Espagnol, nommé
Iean de Mauleon, pour moyener la restitution
de la Comté : Ce Religieux ayant corrompu
par argent, Oliuier Maillard Confesseur
du Roy, obtint non seulement ce qu’il
desiroit : Mais aussi il fit en sorte que Charles
quitta les trois cens mille escus, pour lesquels
ce pays estoit engagé, à condition que Ferdinand
ne l’empescheroit point en la conqueste
du Royaume de Naples. Ce que Ferdinand
confirma du depuis, & le promit auec de
grands sermens, ainsi que remarque Philippes
de Comines : Neantmoins il ne laissa pas de
se liguer auec le Pape & les Potentats d’Italie,
qu’il assista d’hommes & d’argent pour trauerser
les desseins de Charles, qui se repantit par
aprés (mais trop tard,) de s’estre dessaisi d’vne
piece de telle importance.
Les Rois Louys XII. & François I. firent
tous leurs efforts pour la recouurer : L’armée