[retour à un affichage normal]

Accueil > recherche > Affichage d'une occurrence en contexte

Mazarinade n° C_7_35

Image de la page

Anonyme [1649], DISCOVRS D’ESTAT OV VERITABLE DECLARATION des Motifs, qui obligerent LOVYS LE IVSTE, Roy de France & de Nauarre, à rompre la paix qui fut faicte en l’an 1596. Entre HENRY IIII. son tres-honoré pere, & PHILIPPES II. Roy des Espagnes. OV SE VOIT LE NOMBRE DES places & des Principautez, que les Espagnols ont deuant ce temps la & du depuis vsurpées à ceste Couronne. , françaisRéférence RIM : M0_1108. Cote locale : C_7_35.


que comme il vouloit retrancher toutes
les commoditez aux ennemis, & empescher
l’entrèe d’vn notable secours, que le Duc
de Bourbon leur enuoyoit, les Espagnols
voyans sa foiblesse, luy liurerent bataille, où
son cheual estant terracé, il fut pris, & son armée
taillée en pieces. Pour sortir de prison, il
quitta par le traitté de Madrid, le Duché de
Milan, auec le Royaume de Naples, sa Souueraineté
de Flandres, & la Bourgogne. Mais
cette renonciation ne pouuoit preiudicier à ses
successeurs.
 
Et quoy que ce grand Prince eut reçeu vn
si rude eschet, il voulut neantmoins tenter
encore vn coup de fortune. Le pretexte estoit
la deliurance du Pape, que l’armée Imperiale
tenoit assiegé dans Rome. Il enuoye en Italie
le sieur de Lautrec, qui pour tout exploits prit
Pauie, & Alexandrie : Mais l’Empereur les
ayant reprises aussi-tost, le Comte de Sainct
Paul les reprit & les saccagea. L’année suiuante
comme il se retiroit en desordre, l’armée
Espagnole conduitte par Anthoine de Leue, le
surprit, & le mit en déroute.
Ainsi les affaires du Roy estans fort descousuës
en Italie, l’Empereur donna Christine sa
niepce, fille du Roy de Dannemarch, auec le
Duché de Milan, à François Sforce, lequel