[retour à un affichage normal]

Accueil > recherche > Affichage d'une occurrence en contexte

Mazarinade n° A_6_84

Image de la page

Anonyme [1649], L’OBIET DE LA HAINE PVBLIQVE OV LA HONTE DV MINISTRE D’ESTAT DÉCOVVERTE. , françaisRéférence RIM : M0_2564. Cote locale : A_6_84.


qu’aux d’Albornos & aux Richelies. C’est
abuzer des fleurs de l’éloquence, & montrer qu’il
n’y a rien d’infame en la nature qui ne reçoiue
des applaudissemens, & que l’on couronne des
monstres que l’on deuroit égorger. Ie crois qu’il
n’y a à present aucun de ses orateurs mercenaires,
& de ces Poëtes affamez, qui ne fasse la penitence
de ce crime, & qui ne voulut de bon cœur marcher
sur Idole qu’il a encensée. Ie confesse franchement
que i’ay esté au rang de ses Idolatres :
mais aussi il faut que l’on sçache que depuis que
i’ay reconnu que Mazarin estoit le plus perfide de
tous les hommes, que i’ay fait cesser mes adrations ;
& que i’ay esté le premier qui a rendu les
tesmoignagnes publics par vne palinodie de mon
erreur. I’ay reconnu qu’il n’y auoit rien de bon
en Mazarin ; qu’il n’y a que des ordures dans son
berceau, ie veux dire en sa naissance ; & que son
enfance a esté vn seminaire de toutes sortes de
fourberies, & de subeilitez dangereuses.
 
Pour moy ie tiens pour vne maxime infaillible,
que l’on ne doit iamais admettre aux grandeurs,
ceux qui ne sont nays que dans la bassesse & dans
la honte. Les Nobles sont portez aux grandes
actions, par celles de leurs Ayeux, qui leur tiennent
lieu de flambeau & de guides fidelles. Quoy
qu’vn docte ayt dit autresfois, que tout le sang
est d’vne couleur si est il tres certain qu’il y a ie
ne sçay quoy de grand, & pour ainsi dire vne seconde
a me dans ceux qui sont nays de parens illustres ;