[retour à un affichage normal]

Accueil > recherche > Affichage d'une occurrence en contexte

Mazarinade n° B_7_7

Image de la page

Anonyme [1652], L’HEVREVSE ET TRIOMPHANTE ARRIVEE DE MONSIEVR LE PRINCE DANS LA VILLE DE PARIS. , françaisRéférence RIM : M1_126. Cote locale : B_7_7.


desaduantages du party Mazarin, plusieurs se
seroient persuadez ce que les Emissaires du Mazarin
ont voulu faire croire, assauoir qu’il n’y a eu
qu’vne legere escarmouche & que du costé du Mazarin,
il n’y est demeuré que dix huict hommes
dont la perte n’est que trop recõpensée par les blessures
du Duc de Nemours ; Mais les Couriers qui
sont venus les vns apres les autres, Et qui ont confirmé
la deffaite du Mareschal d’Hocquincour, les
particularitez de la Bataille, la Liste des morts &
blesses, le nombre de prisonniers, ont estonné tous
les Partisans. Et il n’y a que les incredules qui puissent
reuoquer en doute vne si esclattante Nouuelle.
 
Monsieur le Prince ayant paru infatigable
dans toute sa conduitte, apres auoir donné la
chasse à ses Ennemis, & laissé quatre mille Mazarins
sur la Place, a voulu venir en personne
pour partager sa joye, où plustost pour la redoubler
auec son Alt. Royalle, & tous les Bourgeois
de Paris. Il enuoya hier Ieudy vn Courrier pour
aduertir son Altesse Royalle de ses approches lequel
arriua vne heure apres Midy dans le Luxem-Bourg.
Son Altesse n’eust pas plutost apris la
Nouuelle de cette approche qu’il commanda