[retour à un affichage normal]

Mazarinade n° B_7_53

Image de la page

Anonyme [1651], DISCOVRS DES-INTERESSÉ, SVR CE QVI S’EST PASSE de plus considerable depuis la liberté de Messieurs les Princes iusqu’à present. , françaisRéférence RIM : M1_99. Cote locale : B_7_53.

Iuges ; mais il faut s’estonner que ceux qui ne doiuent employer
leurs armes que pour la gloire de l’Estat, veüillent seruir de Ministres
de la passion de celuy qui l’a ruiné par sa mauuaise conduitte.
Est-il possible que tant de gens d’honneur & de qualité qui se trouuent
à la teste des trouppes en signant vne vnion, n’ayant point fait
de reflexion sur les suittes qu’elle peut auoir, & qu’ils n’ayent point
consideré qu’ils se rendent complices, des incendies, des meurtres,
des brigandages & de tous les crimes qu’ont commis tant d’infames
qui des-honorent leur profession ? est-il possible qu’ils n’ayent
point fait de reflexion sur le dessein que le Cardinal a fait de se seruir
de leur reuolte pour se mettre à la teste d’vn party qui ne peut estre
que contraire au bien de l’Estat, au seruice du Roy, & funeste à la
gloire de nostre nation.
 
L’Histoire nous apprend qu’vn certain Protadius Romain de nation
ayant esté fait Maire du Palais par le Roy Theodoric à la recommandation
de la Reyne Brunechilde : cét insolent Estranger
non point pour satisfaire à son insatiable auarice & à son ambition
desreglée, que pour complaire à la passion de la Reyne qui l’auroit
eleué de la poussiere iusques à la plus haute dignité du Royaume, &
qui desiroit se vanger de Theodebert, porta l’esprit du Roy son
maistre à declarer la guerre à ce Prince. Les bons François que cette
guerre ciuille auoit partagés, & qui ne voyoient point sans douleur
la Maison Royale diuisee, & le frere armé contre le frere, firent
tous leurs efforts afin de les reconcilier ; mais ayant remarqué que
Protadius estoit le seul obstacle de cette reunion, ils resolurent de
le faire seruir de victime expiatoire de tous les desordres de l’Estat.
Theodoric en ayant esté aduerty, voulut empescher vn si loüable
dessein : mais ayant esté retenu lors qu’il vouloit aller sauuer par sa
presence cét Estranger que la iuste vengeance des François demandoit
pour sa satisfaction, il commanda à Vncelenus qui estoit prés
de luy, d’aller deffendre de sa part à ceux qui deuoient executer vne
si belle entreprise, de passer outre sur peine de son indignation : ce
fidel seruiteur qui sçauoit bien que l’esprit du Roy estoit preoccupé,
creut qu’il luy rendroit vn seruice bien plus considerable s’il auãçoit
l’execution d’vn si legitime dessein, en effet estant entré dans la
Chambre du Roy, ou Protadius joüoit auec vn Medecin, il dit à
ceux qui l’accompagnoient, le Roy mon maistre commande que
l’on tuë Protadius. Le commandement ayant esté executé auec ioye