[retour à un affichage normal]

Mazarinade n° B_3_3

Image de la page

Anonyme [1652], L’ESPRIT DV FEV ROY LOVIS XIII. A SON FILS LOVIS XIV. Luy monstrant que la mauuaise conduite de Mazarin, est la cause des troubles de l’Estat. Et luy donnant les moyens infaillibles de les appaiser, par son retour en sa bonne Ville de Paris. , françaisRéférence RIM : M0_1287. Cote locale : B_3_3.

sont aussi frequents dans les vns, que les
tempestes sont ordinaires parmy les autres ? N’est-ce
pas dans le combat où la vertu se fait paroistre ?
& la prudence ne doit-elle pas s’exercer à
preuoir, combatre, & repousser les perils qui nous
menacent, ou qui sont sur le point de nous assaillir ?
Le Cardinal de Richelieu n’est-il pas, encore
loüé d’en auoir preuenu qui estoit sur le point de
naistre, estouffé de naissants, & dissipé d’autres
qui estoient déja puissants & redoutables ? Cettuy-cy
pour s’acquerir vne estime au delà de celle
de son predecesseur, ne deuoit-il pas encor encherir
sur sa conduite, puisque rien n’est parfait
en son commencement, où consiste cependant
la plus grande difficulté qui se rencontre dans
nos desseins. Il deuoit sans doute entreprenant
de regir la France, la regarder, comme vn nouueau
Medecin d’vn Prince regarde sa personne,
dont il veut entretenir la santé, ou chasser les
dispositions qui la tiennent engagée à de differentes
maladies. Connoissant l’inanition du
peuple, & la repletion des Financiers & des Partisans,
il deuoit corriger l’vn & l’autte par des
moyens doux & faciles, aussi bien que la chaleur
du sang de quelques vns de vos Princes, pour
remettre l’Estat dans vn parfait temperamment.
Ainsi voyant qu’il estoit Estranger, & que l’appuy
d’vne femme estoit foible pour le soustenir,
si les autres puissances de l’Estat s’vnissoient iamais