[retour à un affichage normal]

Mazarinade n° B_6_30

Image de la page

Anonyme [1651], DISCOVRS DE MONSIEVR LE PRINCE DE CONDÉ A MESSIEVRS DV Parlement de Bourdeaux, touchant son arriuée en ladite ville. , françaisRéférence RIM : M0_1116. Cote locale : B_6_30.

moyen à son Atesse Royale & à moy, le temps de
faire aucun changement dans le Conseil, & d’en
exclure ceux qui par leurs dangereuses maximes
taschent d’obseder continuellement l’esprit de leurs
Majestez, ce qu’ils preuoyoient infailliblement deuoir
estre fait, si trois semaines auparauant on eut
leué les justes deffiances que i’auois d’entrer dans le
Conseil, en faisant publier cette Declaration que
i’auois tant demandée.
 
Il faut que i’auouë, Messieurs, que cette Declaration
m’estoit en apparence extrémement auantageuse,
mais en effet ce n’estoit qu’vn leurre, afin de
me faire tomber auec moins de soupçon dans le
piege que l’on m’auoit dressé ; car cõme ils s’imaginoient
que par là les pretextes que ie prenois de ne
point voir sa Majesté, seroient entierement leuez, ie
serois obligé de m’exposer à leur ressentiment, ou
bien d’oster par ma retraitte les difficultez que ma
presence apportoit à l’establissement qu’ils meditoient.
Et en effet ayant esté tres-bien informé de leurs
mauuaises intentions, joint que ladite Declaration
n’auoit pas esté leuë deuant le Roy, ainsi que le
Parlement l’auoit desiré ; Ie me resolus de ne rien
hazarder, & me contentay d’écrire vne Lettre à
Sa Majesté, que ie luy fis rendre par le Prince
de Conty mon frere, par laquelle ie luy témoignois
le vif ressentiment que i’auois d’estre forcé de m’éloigner
de sa personne pendant l’action celebre de