[retour à un affichage normal]

Accueil > recherche > Affichage d'une occurrence en contexte

Mazarinade n° B_6_30

Image de la page

Anonyme [1651], DISCOVRS DE MONSIEVR LE PRINCE DE CONDÉ A MESSIEVRS DV Parlement de Bourdeaux, touchant son arriuée en ladite ville. , françaisRéférence RIM : M0_1116. Cote locale : B_6_30.


trop d’authorité sur l’esprit de la Reyne & dans le
Conseil, & trop d’animosité contre moy, pour
m’oster l’enuie de m’exposer à leur mercy.
 
Depuis ce temps-là, tout le monde sçait auec
quelles instances ie demanday de iustifier des calomnies
que m’imposoit cét écrit ; que les Autheurs
en fusent nommez, & que reparation m’en fut
faite : Mais bien loin de satisfaire à de si iustes demandes,
& d’accorder à vn Prince de ma Naissance,
ce qu’on ne pouuoit refuser sans injustice au dernier
des hommes ; on m’obligea par des remises continuelles,
ou de demeurer à Paris dans le danger
dont sont menassez ceux que l’on declare auoir des
intelligences secrettes auec les ennemis de l’Estat,
ou de pouruoir à ma seureté par ma sortie de cette
Ville.
Suiuant ce dernier expedient, ie me tendis à
Trie, où ie fus visiter le Duc de Longueville mon
beau-frere, & où i’appris deux iours apres mon arriuée,
qu’aux instantes Remonstrances du Parlemẽt
on auoit enfin accordé vne Declaration de mon
innocence : Mais, Messieurs, considerez ie vous-prie,
auec quel artifice estoit tissuë la trame que me vouloient
tendre mes ennemis, & comme ils voulurent
abuser de la parole Royale, & de ce qu’il y a de
plus auguste & de plus saint, afin de se maintenir
& me mieux surprendre.
Ils firent publier cette Declaration seulement la
veille de la Majorité du Roy, afin d’oster par ce