[retour à un affichage normal]

Mazarinade n° B_15_27

Image de la page

Anonyme [1652], L’AVTHORITÉ DES ROYS, DES PRINCES, DES REPVBLIQVES, ET DES PARLEMENS. Presenté au Roy dans la Ville de Pontoise par vn grand Prelat. , françaisRéférence RIM : M0_434. Cote locale : B_15_27.

faictes les chastier & punir de la mesme peine que
l’Empereur Seueres fit à Thurinus, vn des grands
flatteurs & menteurs de son temps, lequel il fit lier
à vn posteau, & estouffer par la fumée d’vn feu, fait
de matiere humide, pendant que le crieur public
disoit à haute voix, que Thurinus mouroit ainsi
par la fumée, pource qu’il auoit, durant sa vie,
vendu de la fumée aux hommes.
 
Chassant donc de tels gens d’aupres de vous,
bannissez mesme aussi pour iamais la dissimulation
& desguisement de la verité. Ne traictez plus
de vos affaires serieuses, sinon auec toute franchise
& rondeur de la langue : Et que la verité vous soit
plus amie, que toutes les commoditez que pourriez
esperer par la dissimulation, laquelle est des-honneste
& vile, & d’où la desloyauté est engendrée.
De la desloyauté, vient la tyrannie & cruauté, & de
la cruauté, naissent les guerres ciuiles, selon qu’il
est proprement deduit au quatrain sententieux qui
ensuit.
 
Dissimuler est vn vice seruice,
Vice suiuy de la desloyauté,
D’où sort és cœurs des grands la cruauté,
Qui aboutit à la guerre ciuile.
 
Aussi est-ce chose toute notoire, que iamais
Prince vertueux, ne fut dissimulateur, sinon à l’endroit
des iustes ennemis, lesquels il est bon de vaincre
par tous moyens.
Quand donc il vous plaira, SIRE, d’entrer en