[retour à un affichage normal]

Mazarinade n° B_15_27

Image de la page

Anonyme [1652], L’AVTHORITÉ DES ROYS, DES PRINCES, DES REPVBLIQVES, ET DES PARLEMENS. Presenté au Roy dans la Ville de Pontoise par vn grand Prelat. , françaisRéférence RIM : M0_434. Cote locale : B_15_27.

qui ont la superintendance que maniment de vos
Finances) doit estre chastié sans aucune grace n’y
pardon, non plus que de voleurs & faux-monnoyeurs,
ausquels on ne donne iamais remission.
 
Aussi est-il certain qu’il n’y a qu’en France où l’on
ait ordinairement composé & traicté auec telles
gens, à vostre preiudice, & dommage des vostres,
& au seul profit & commodité de ceux qui sont les
plus coupables.
C’est (en ce faisant) accorder & partager auec
les larrons, c’est chercher & aymer de l’argent, &
non pas la correction des vices & des crimes : & en
bon François, publier par tout vne grace & abolition
aux voleurs, & tacitement faire sçauoir, que
qui aura dérobé le beuf, en sera quitte pour les
cornes.
Vous faites aucunesfois, SIRE, grande difficulté,
de donner pardon à celuy qui, estant offensé,
tuë de guet à pent son ennemy. Pardonnez-vous
donc à ceux qui ont succé le sang & la sueur de la
Noblesse, de la gendarmerie, des soldats, des officiers,
& generalement de tout vostre pauure peuple :
lequel par le moyen de tels larrecins, a esté chargé
d’infinies daces & subsides, dont la ruïne & la
mort de plusieurs est ensuiuie.
Si donc vous me faites justice de ces larrecins &
peculats, le bruit continuëra par les nations estranges,
que les larrecins publics sont tollerez en France :
& que la France est le receptacle, la syle, le sanctuaire,