[retour à un affichage normal]

Accueil > recherche > Affichage d'une occurrence en contexte

Mazarinade n° B_15_27

Image de la page

Anonyme [1652], L’AVTHORITÉ DES ROYS, DES PRINCES, DES REPVBLIQVES, ET DES PARLEMENS. Presenté au Roy dans la Ville de Pontoise par vn grand Prelat. , françaisRéférence RIM : M0_434. Cote locale : B_15_27.


rigoureusement punir les mauuais.
 
La despence qui suit apres la plus necessaire, est de
faire payer vostre gendarmerie, afin que vostre peuple
soit soulagé des extorsions qu’il en reçoit.
Ie ne puis aussi que ie ne vous donne aduis, d’vne
despence non seulement necessaire, mais tres-honnorable,
qui est de faire reparer les ponts, chaussées, &
chemins de vostre Royaume, pour lesquels vous receuez
peage, & par mesme moyen de contraindre
ceux qui doiuent faire de mesme en plusieurs endroits
de ce Royaume, & pour lesquels ils prennent tribut.
Car c’est non seulement vne honte, de voir le desordre
qui y est, mais aussi vn dommage inestimable
pour la negotiation & commerce de marchandise, laquelle
ne se peut plus continuer, (à cause de telles ruines)
sans vn extreme danger. Et à la verité il semble
quand l’on considere tels desordres, que l’on vueille
tout à escient laisser acheuer ces ruines, pour dire le
dernier adieu, à l’ordre, magnificence, & beauté de
ce pauure pays iadis tant florissant.
Apres toutes ces despences faittes en leur rang vos
liberalitez premierement aux recompenses de seruices,
& puis en dons moderez & le moins que vous
pourrez en vanitez de luxe & voluptez faisant vostre
pompe plustost seigneurialle & graue, que superflue
& inutille.
N’oubliez pas à faire grande discretion au choix des
Officiers de vos Finances, & d’y commettre gens de
bien, afin que ne soyez plus pillé par l’auarice
des meschants Tresoriers, lesquels aydent grandement