Mazarinade n° B_17_23
Image de la page
Anonyme [1652], L’ANTIDOTE AV VENIN DES LIBELLES DV ROYALISTE, A AGATHON, ET DE LA VERITÉ NVE. , français, latinRéférence RIM : M0_88. Cote locale : B_17_23.
En est-il moins veritable parce que vous le taxez ? Et vn
petit nombre d’adulateurs & de parasites, que l’interest &
la passion fait parler de la sorte, preuaudra-il sur des milions
infinis d’autres qui derestes auec raison les dereglemens de
leur conduite ? Le Marquis d’Ancre, compatriote de vostre
Bien-faicteur, & ses Apologistes (ainsi que nous l’apprend
le Mercure François) vsoient de ces mesmes discours, & la
fin tragique de sa vie a hautement iustifié l’iniquité de ses
déportemens, & la verité des doleances du peuple qu’ils
condamnoient auec vous de sedition. Le Cardinal de Richelieu,
ce monstre de tyrannie, d’auarice, & d’ambition,
l’exemple duquel tu cites plus criminel mille fois que cet
infortuné, quoy qu’il ayt échapé la Iustice des hommes, n’a
pû euiter la main vengeresse de Dieu, ayant veu son corps
tout couuert de playes & d’vlceres, & son ame en sortir par
autant d’endroits apres six ou sept années de souffrances.
Vous voulez faire passer le peuple pour vne dupe, ou pour
vne enclume sur laquelle il sera permis aux Tyrans de frapper
impunément, & de forger tout ce que bon leur semblera
pour contenter leur auarice, & leur ambition, & leur
silence durant son administration pour vne marque de son
obeïssance, plustost que de la tyrannie de ce Cardinal, exercée
contre tous les gens de bien, qui a retenu leurs voix, &
lié leurs langues & leurs bras au plus profond de leurs maux,
sunt molles in calamitate mortalium animi : Il a tesmoigné son
imbecillité, & non pas son deuoir, & que celuy qui brauoit
autresfois toutes les Nations, estoit né doresnauant pour la
seruitude. Reprenez vostre ancienne vigueur, mes chers
Concitoyens, & ne vous laissez pas surprendre aux artifices
de cét agreable imposteur, qui tasche de faire couler doucement
ce venin dans vos veines, que les resistances qu’on a
fait dans tous les temps contre les mauuais Ministres, sont
autant de reuoltes ; les plaintes, & les querelles contre leurs
tyrannies, autant de rebellions. C’est le voile duquel ils se
couurent tous, & veulent que tout ce qui le perce & le déchire,
soit vn traict decoché contre la personne du Monarque,
qui le plus souuent, comme le nostre, ignore ce qui se
Image de la page