[retour à un affichage normal]

Mazarinade n° A_2_48

Image de la page

Anonyme [[s. d.]], DISCOVRS CHRESTIEN ET POLITIQVE, DE LA PVISSANCE des Roys. , français, latinRéférence RIM : M0_1103. Cote locale : A_2_48.

du monde. Et à la verité, comment est ce que
l’iniustice & la violence perpetuelle maintiendroient
vn grand Royaume, puis que la Iustice
leur contraire est necessaire à ce poinct, que
sans elle les voleurs mesme & les Pyrates ne
pourroient pas subsister.
 
C’est pourquoy on ne pourroit trop s’estonner
si l’on voyoit des personnes sacrées, au moins
par leur Charge & leur dignité, & qui font profession
publique du Christianisme, consentir
à des maximes que les brigans rejettent entre-eux,
que les Payens ont detestées, & que la verité
eternelle condamne par tous ses Oracles ;
Si ce n’est peut-estre qu’on veüille dire que celuy
lequel expose sa vie pour son troupeau, &
qui par excellence est appelle le bon Pasteur,
au lieu d’estre, comme il est veritablement la
Souueraine Sagesse, n’est plus que l’ombre d’vn
grand nom, qu’vne vaine chimere & vn Fantosme.
Mais cependant qu’elles reuoltes ne s’exciteroient
point contre les Grands, si n’estans
venerables aux Peuples, que parce qu’ils sont
les images du Dieu viuant, ils venoient par leurs
actions à faire croire qu’ils n’en reconnoissent
point. Qu’ils nous monstrent leur foy par leurs
œuures : ou qu’ils n’exigent plus de nous de reuerence
pour leur dignité. Qu’ils cessent pour
leur propre interest, de tout abandonner à la
force, laquelle est sans doute du costé du plus