[retour à un affichage normal]

Mazarinade n° A_2_48

Image de la page

Anonyme [[s. d.]], DISCOVRS CHRESTIEN ET POLITIQVE, DE LA PVISSANCE des Roys. , français, latinRéférence RIM : M0_1103. Cote locale : A_2_48.

d’vn nom commun à toutes les especes de
Gouuernement ; Mais comme chaque vertu est
opposée à chaque vice, & le bien au mal, le vice
& la destruction de la Royauté c’est la Tyrannie,
qui ne regarde que l’vtilité d’vn seul,
Le vice de l’Aristocratie c’est l’Oligarchie qui
rapporte tout au profit des riches. Le vice de la
Republique c’est la Democratie, où l’effrenée
puissance du peuble, qui appelle liberté la licence
de tout dire & de tout faire sans frain,
sans conduite & sans Loix. Lisez toutes les Histoires,
consultez toutes les nations, vous ne
trouuerez point de plus ordinaires & de plus
effroyables exemples que du changement des
Republiques par la luxure, l’auarice & la cruauté
reiettons miserables de la Tyrannie. Babilonne,
Rome, & Constantinople, l’Asie, l’Europe,
& l’Affrique en peuuent donner des témoignages
eternels, & il faut démentir tout le
genre humain pour y contredire.
 
Lib. 3. Pol cap. 5.
Le mesme Philosophe parlant de la Monarchie,
& des causes de sa ruine dit, que ceste forme
de Gouuernement, quand il n’y auroit rien
dehors qui le menassat de la cheute, à plusieurs
fatalitez à craindre au dedans, & principalement
ces deux-cy ; La diuision de ceux qui ont
part au Ministere, & l’opinion Tyrannique
qu’ils ont conceuë d’estre maistres de plus de
choses, qu’il ne leur en appartient par la Loy,