[retour à un affichage normal]

Mazarinade n° B_7_18

Image de la page

Anonyme [1652], L’ALLIANCE DES ARMES ET DES LETTRES DE MONSEIGNEVR LE PRINCE. Auec son Panegyrique, presenté à son Altesse Royale. , françaisRéférence RIM : M0_60. Cote locale : B_7_18.

reputation, quand mesmes vous ne feriez rien d’auantage
que ce que vous auez fait ; & quand les exploits de vos
Ayeulx n’auroient rien contribué à sa gloire : quels honneurs
vous peut rendre la France, de l’auoir renduë redoutable
à ces braues Nations, dont vous auez reprimé
l’insolence & l’audace dés la premiere approche ?
 
Desia vostre reputation vous fait connoistre par tout,
Monseigneur, & les plus grands courages se forment des
modeles de vos vertus ; & bien que la renommée de vos
actions vous mette dans l’estime de tous les hommes, beaucoup
plus auant que tous ces grands Capitaines qui vous
ont deuancé : neantmoins ceux qui ont l’honneur de vous
voir aux belles occasions, accusent la voix publique d’enuie
ou d’ignorance, & publient par tout qu’elle vous met
beaucoup au dessous de ce que vous estes. Car au lieu que
les autres se rendent le plus souuent capables de la milice
par les disgraces, Vostre Altesse s’est instruite par des victoires
qui sont deuës à sa propre conduite, & non pas au
conseil des Chefs qui l’ont suiuie : si bien que leur prudence,
ny la fortune mesme que l’on estime si puissante dans
les exercices de Mars ne peuuent rien pretendre à vostre
Gloire.
Car y eut-il iamais Prince, Monseigneur, qui en si peu
de temps ait r’emporté tant de victoires, & pris tant de places
que vous ? Victoires qui sont autant de marques de
vostre Gloire, & des monumens eternels que vous auez
dressé pour signaler vostre courage & vostre conduite ?
Mais, Monseigneur, quel discours peut-on trouuer qui
puisse égaler vostre merite ? Que peut-on dire qui soit digne
du grand Prince de Condé, ou qui soit desia en la
bouche, ou en la pensée de tous les hommes ? Quel nom
a iamais esté plus celebre au mon de que le vostre ? Quels
exploits sont iamais paruenus à la gloire des vostres ? Qui
a iamais receu de tous les hommes de plus glorieux applaudissemens
& des iugemens plus auantageux ?
Est-il possible, Monseigneur ; qu’il y ait vn endroit sur