[retour à un affichage normal]

Mazarinade n° C_7_50

Image de la page

Anonyme [1649], DISCOVRS ADDRESSÉ AVX SOLDATS FRANCOIS. DEDIÉ A MR DESLANDES-PAYEN, Conseiller en Parlement. , françaisRéférence RIM : M0_1101. Cote locale : C_7_50.

jour & joug tout ensemble, contre des hommes qui taschent de le
faire perir en epuisant ses Finances, afin de se les approprier à eux-mesmes.
Oüy, le faire perir en effet, bien qu’en apparẽce ils en desirent
la conseruation. Ce n’est que pour se seruir du nom Royal,
afin de le spolier plus puissamment. Voila des mots suffisans pour
animer les cœurs à la resolution des Armes. La nature mesme y
entreuient. A vn besoin, elle feroit des miracles pour y exciter les
peuples : car les hommes, s’ils ne sont d’vn sens depraué, se
portent si volontiers à aimer & defendre leurs Princes que pour
empescher qu’on les offense, autrefois on a veu des effets miraculeux.
Certain meurtrier ayant leué la main contre le Roy Cresus,
vn muet qui estoit là present, s’escria, c’est le Roy, sauue la Couronne.
Tant est forte cette passion que nous auons enuers ceux
qui sont ordonnez du Ciel pour nous commander. Si l’on attente
dessus leurs personnes ou sur leurs Estats nul des bons sujets ne
s’en peut taire, alors la patience n’est pas contée entre les vertus.
Quand cela arriue les marbres & les statuës parleroient plustost,
ou se laisseroiẽt d’elle-mesme tomber sur les coulpables en les escrasant,
afin de reprocher aux sujets leur lascheté, & pour les conuaincre
ou d’vne paresse insupportable ou de conniuence auec
l’ennemy Les lãgues muettes se deslient les mains plus languides
se degourdissent, & tous les cœurs non perfides ny denaturez sentent
de si vifues allarmes en eux-mesme pour sauuer le Chef &
pour en defendre toutes les parties, qu’il ne faut point d’autre
trompette pour les faire entrer en champ de bataille, & pour s’entr’exciter
les vns les autres. Les Soldats François ont autrefois
guerroyé toute la terre pour acquerir de l’honneur & du bien. Ils
ont reconquis la terre sainte & planté les Lis dans la Palestine. Ce
que les Histoires ont appelle la guerre sacrée. Aujourd’huy il faut
reconquerir la France mesme que des Estrangers nourris parmy
nous & à nos despens ont resolu de vendre s’ils peuuent, ou d’en
aliener les tiltres. Mais est-il possible qu’ils en sortent à si bon
marché sans estre punis ? Cela regarde, ô Soldat François, ta
valeur & ta reputation. Cela tesguillonne & te poingt iusques
au vif. Et vous, braue Sang, qui ne degenerez point de la vertu
de vos Ancestres pourriez-vous demeurer oyseux & comme
de l’eau croupie au milieu de ces remuemens ? N’estes-vous point