[retour à un affichage normal]

Accueil > recherche > Affichage d'une occurrence en contexte

Mazarinade n° B_11_22

Image de la page

Anonyme [1652], LES SENTIMENS D’VN FIDELLE SVIET DV ROY, Contre l’Arrest du Parlement du vingt-neufiesme Decembre 1651. , français, latinRéférence RIM : M0_3648. Cote locale : B_11_22.


l’oubly des injures ne luy estant pas moins naturel, que
le souuenir l’est pour l’ordinaire au reste des hommes, & sa
bonté ayant paru si rare & si inuincible, que ses ennemis sont
tousiours en estat de pouuoir l’offenser, ou se reconcilier
auec luy impunément, sçachant qu’ils font la guerre ou la
paix auec vn homme qui ne se vange point. Ie ne veux donc
point que l’on considere les seruices signalez qu’il a rendus
par ses soins & ses conseils au Roy & à l’Estat. L’Espagne
domptée, l’Italie protegée, l’Allemagne pacifiée, les esperances
des ennemis & nos frontieres tousiours reculées, iusques
à tant que le tumulte des nouueaux intrigues, eust trauersé
le cours de nos prosperitez domestiques & estrangeres.
Que l’on n’ait égard purement qu’à l’innocence de ses
mœurs & de sa conduite. Faut-il qu’autrefois des Prelats atteints
de crimes les plus noirs, & des plus irremissibles, ayent
pû d’abord se garentir de la seuerité des Cours Royales &
Ciuiles, pour ne respondre & ne comparoistre que deuant
leurs Confreres ; & qu’vn seul Cardinal Mazarin qui les precede
en rang & en honneur, & dont la vie particuliere &
l’administration publique n’ont esté sujettes iusques à cette
heure, à aucun reproche iuste & legitime, trouue cét azile &
ce port fermé à la deffense de sa reputation, de ses biens, de
son salut & de sa dignité ?
 
Mais en cette occasion n’appuyons pas le droict infaillible
de ce Cardinal, ny sur les exemples les plus memorables de
ce qui s’est veu & prattiqué de tout temps en France, ny sur
le témoignage & les Arrests exprés de ceux qui ont depuis
peu entrepris de le iuger. Consultons l’Oracle de l’vne des
plus saintes & des plus inuiolables conuentions qui ayent
esté passées entre nos Rois & les Souuerains Pontifes. Ce fameux
Concordat arresté depuis plus de cent trente ans, entre
le Pape Leon X. & le grand Roy François, & en suite
verifié, & enregistré dans cette premiere de nos Compagnies
souueraines, & obserué de part & d’autre auec tant de
religion ? Ne porte-t’il pas formellement, qu’en cas de crime
le Pape enuoyera & commettra des Iuges sur les lieux, pour
connoistre des crimes des Euesques : mais que pour les Cardinaux
de l’Eglise Romaine, il en retient les causes, & s’en