[retour à un affichage normal]

Mazarinade n° C_11_33

Image de la page

Anonyme [1651], LE TRIOMPHE DE L’INNOCENCE MANIFESTÉ Par la destruction des impostures & faux bruits qu’ont semé les Partisans du Cardinal Mazarin contre l’integrité de Monseigneur LE PRINCE. Auec les foibles raisons par lesquelles ils taschoient de déguiser leur médisance, pour rendre sa conduite odieuse & suspecte, que l’Autheur monstre ne pouuoir subsister, sans que ce Prince eut manqué contre toute sorte de bonne maxime. , françaisRéférence RIM : M0_3873. Cote locale : C_11_33.

la qualité de Generalissime, pour laquelle il n’auroit
besoin que de se voir moins espargné. La passion
haït, mais il n’y a qu’vne prudẽce extraordinaire
qui sçache le faire, s’il est vray ce qu’on a dit
autrefois qu’il n’y a que les Dieux qui sçachent
aimer, il n’est pas moins asseuré qu’il n’y peut
auoir que les grands hommes, & ceux qui approchent
le plus des intelligences, qui sçachent
haïr ; Dans la guerre l’on ne frappe pas tousiours,
les combats & les batailles ne se donnẽt que rarement,
& si l’ambition & le courage y redoublent
la haïne, vne bonne conduite la mesnage tellemẽt
qu’elle n’esclate iamais que cenesoit par necessité,
ou pour des auantages certains & grandement
considerables. Il n’est point homme dedans
ny hors du Royaume, qui entende mieux à
faire valoir la passion d’vne armée entiere, & de
tout vn Estat contre vn autre que Monsieur le
Prince. Peut on penser qu’il ne sçache pas faire
reüssir la sienne contre vn particulier ? Il a si bien
fait qu’il a poussé le Mazarin hors du Royaume,
& reduit à ne trouuer point de retraite que chez
vn Electeur, qu’il auoit obligé sans autre motif
que d’empescher vn grand accroissement qu’alloit
faire la Maison de Condé, il a refusé de consentir
à son retour, & a mis si bon ordre que les
Estats generaux ne concluront qu’a luy ouurir
les prisons, & luy presenter les lieux de supplice