[retour à un affichage normal]

Accueil > recherche > Affichage d'une occurrence en contexte

Mazarinade n° A_2_55

Image de la page

Anonyme [1649], DIALOGVE OV ENTRETIEN DE DEVX CAVALIERS, L’VN FRANCOIS L’AVTRE ANGLOIS; Touchant les affaires de France & d’Angleterre. , françaisRéférence RIM : M0_1096. Cote locale : A_2_55.


de vouloir se rendre le maistre, & ne dependre de personne.
 
L’Anglois. Il est vray que les Roys ne reconnoissent que
Dieu seul au dessus d’eux : mais nous ne separons pas d’auec
Dieu la loy & le salut du peuple, que nous mettons pardessus
tout, salus populi, disons nous, suprema lex.
Le François. Ie ne treuue rien a dire à cela : mais pourtant
i’ay tousiours creu ; & suis encore dans la mesme creance, que
nos biens & nos vies sont au Roy.
L’Anglois. Si cela estoit que vous eussiez receu vos biens
& vostre vie du Roy, ou qu’il en fust le possesseur ou le maistre,
& en peust disposer comme bon luy semble, vostre guerre
seroit tres-injuste, & il n’y auroit aucune difference entre
vous autres & des esclaues, ou du moins entre les François
& les Turcs.
Le François. Ie ne sçay point toutes les distinctions de
droict ou de chicane, dont quelques-vns se seruent, disant,
que la proprieté de nos bien & de nos vies nous demeure, &
que la iurisdiction ou direction est au Souuerain. Tant y a que
pour le seruice du Roy & le maintien de sa Couronne, nous
sommes tousiours prests d’employer nos biens & nos vies
quand il plaira à Sa Majesté de nous commander.
L’Anglois. Pourquoy donc faites vous la guerre ? On ne
vous de mande point vostre vie, on se contente mesme d’vne
partie de vos biens ?
Le François. Nous auons pris les armes contre vn Tyran,
contre vn Ministre Estranger, lequel apres s’estre emparé de
l’authorité Royale, apres auoir dissipé tous les biens du
Royaume, & enleué depuis peu la Personne sacrée de nostre
Roy, nous veut faire perir de male faim.
L’Anglois. Quel Diable de Ministre d’Estat. Ie lisois hier
en l’Escriture l’histoire de Ioseph. Il fut Ministre d’Estat en
Egypte, c’estoit l’Ange tutelaire de Pharaon, il garentit son
Royaume de la famine. Mais cettuy-cy veut faire perir la
France ou par la guerre ou par la faim.
Le François. Auez-vous leu dans l’Escriture que Ioseph
enrichit ses nepueux & ses niepces ?