[retour à un affichage normal]

Mazarinade n° B_6_16

Image de la page

Anonyme [1650 [?]], LE TE DEVM GENERAL DE TOVS LES BONS FRANCOIS. Sur la prise de Messieurs les Princes. , françaisRéférence RIM : M0_3756. Cote locale : B_6_16.

desordres, nous donner a plus de repos, & qu’elle nous asseurera
pour iamais d’vne Paix tres-desirée. C’est pour quoy,
Seigneur, aprés nous auoir fait la grace d’escouter nos prieres,
i’espere que vous nous ferez encore celle d’empescher
ces meschans de nous iamais plus mal traitter, comme vn
peuple que vous auez dessein de gouuerner continuellement
icy bas, & d’esleuer vn iour la haut dans vne beatitude eternelle.
O Dieu d’vne bonté infinie, nous crions à vous du
profond de nostre cœur, afin que vous prestiez l’oreille à nos
demandes. Depuis la garde du matin, iusques à la garde de
l’autre matin, nous esperons en vostre misericorde. Escoutez
nostre priere, receuez nostre supplication en vostre verité, &
nous exaucez en vostre Iustice. N’entrez point en iugement
auec nous, Seigneur, parce que nul viuant ne sera iamais iustifié
deuant vostre face. L’ennemy nous a persecutez, & nous
a abbatus iusques en terre : mais auiourd’huy, Seigneur, vous
retirez nostre ame de tribulation, & par vostre grace vous
destruirez tous nos aduersaires ; car nous auons fait vœu d’estre
vos seruiteurs, tant qu’il vous plaira de nous maintenir
au nombre des choses. Vous n’estes pas moins misericordieux
que vous l’estiez du temps de nos premiers Peres : c’est
pourquoy nous leuons les mains vers vous, afin d’implorer
vostre assistance, & afin que nos ennemis ne sortent iamais
du lieu où l’on les a mis, que pour nous bien faire.
 
LA XAINTONGE.
Nous vous benissons tous les iours, Sauueur de nos ames,
& nous loüons vostre sainct Nom à iamais, d’auoir fait mettre
nos persecuteurs en lieu de seureté, pour les empescher de
nous nuire. C’est vn miracle, Seigneur, que vous auez fait
pour nostre salut, lors que nous estions sur le bord de perir
sans auoir autre esperance que la vostre. O que nous vous
sommes redeuables ! adorable Reparateur de toute la nature
humaine, d’vne grace si extraordinaire. Que toutes les substances
materielles & immaterielles vous en loüent, Iuge vniuersel
de toute la nature creée. Que les Saints & les Anges
vous en benissent, digne voix de sa toute puissance. Que les
Cieux & les Elemens vous en rendent graces, digne Soleil de
Iustice. Que les animaux terrestres & aquatiques vous en