[retour à un affichage normal]

Accueil > recherche > Affichage d'une occurrence en contexte

Mazarinade n° B_2_6

Image de la page

Anonyme [1652], LE SYNDICQ DV PEVPLE ENVOYE AV ROY. Pour faire entendre a sa Maiesté tout ce qui se passe dans son Royaume. , françaisRéférence RIM : M0_3741. Cote locale : B_2_6.


& d’où ils estoient venus, & enfin l’on a trouué
que ce sont gens dont la Noblesse est de
paille, & n’est propre qu’à faire du fumier de
mesme qu’vn Sculteur fait parestre vne petite
Statuë encore plus petite s’il l’a pose sur vne
haute colomne : ainsi vostre Majesté ayant
constitué ces personnes au plus haut degré
d’honneur & de fortune, vous le donnez d’auantage
a connoistre a tout le monde : on
dit que Demetrius se faisoit admirer en toutes
ses actions, & que tous ses ouurages ressentirent
sa Royauté Sire, vostre Maiesté qui
a tant donné d’Arres & de preuues de sa
vertu, ne sçauroit se porter a vne telle action
que de donner la Paix à son peuple ? C’est là
où vostre sagesse se rendra admirable en l’exstinction
de ces seditieuses flâmes qui s’augmente
de iour en iour à vostre perte.
 
C’est où vostre courage se fera paroistre,
le Marinier décharge son Vaisseau de la Marchandise
qui luy pese le plus lors que la Mer
est couroucée, si vostre Maiesté desire sauuer
son Estat de l’orage qui le menasse, il est necessaire
qu’elle banisse d’elle le Cardinal Mazarin
qui est vn boute feu, qui comme Vipere
fera perir ceux dont il tire les biens & la