Mazarinade n° D_2_23
Image de la page
Anonyme [1650], DIALOGVE D’VN BATELIER, D’VN VIGNERON, ET D’VN SAVETIER. Sur les Affaires du Temps present. , françaisRéférence RIM : Mx. Cote locale : D_2_23.
Clement.Ancré la voute Cu bounhoume Santin, bornage vn
ptit vers larjau couzin Foizian.
Santin. Dites dõc sire ou Maistre, Vous parlez des affaires d’Estat ?
Foizian. Ardé tené i’attain apres, mon couzain Cliement me barboüillet
que les Prainces étint prenu & que n’en les auet bouté
dans vn bouas de vaint saint.
Santin. C’est Messieurs ce qui ma fait approché de vous, pour vous
dire la vérité de tout.
Clement. Dame dite don, car aussi bean iatés agreué.
Santin. Voigez-vous mes enfans, c’est que Monsieu le Prince auec
Monsieu son frere & Monsieu le Duc de Longueuille.
Clement. Ha testedié le vla, voüy, voüy Monsieur de Longueuille.
Santin. Taisez-vous donc ? Il voulint partir la France ensemble,
Mais on les a decouuerts & on les à mis prisouniés dãs le Chasteau
du bois de Vincennes, & non pas dans vne cauerne, ie scay bien,
que ny en auet vne dans la forest de Moutauban, par ou sortit
Regnault & ses freres Allard, Guichard & Richard sur le cheual
Bayard, & puis deffirent tous quatre deux mil hommes. C’estoit le
bon tẽps, les Princes estint forts, parce qui l’estint bons, tesmoins
Pierre de Prouence, Richard sans peur, Iean de Paris, Rolland le
furieux, Oger le Dannois, Maugis d’Aigremont, les douze pairs
de France, & bin d’autres, car i’ay leu tout cela, & mesme Amadis
de Gaule, que Maistre Caneton m’a presté : c’estoient des Princes
ceux-là, & non pas des vétes comme ceux-cy.
Foizian. Han i’entens asteuze.
Santin. Bran du prescheus si on ne l’escoute, & ventre saint-gris
taisez-vous donc ?
Foizian. Bian ie ne dizay pu mot.
Santin. Enfin donc qu’on les conduisa bin finement au Chasteau
du bois de Vincennes, & styla qui découura tout fut nostre bon
Monsieur le Duc.
Clement. Quoüay testedié le Couzin Gaston, dame ie le scaye bean
dame bean ie le scay, que ie l’auon mené labas vouy, en telle enfeigne
que ie ly monstry la pille de Saint Mas que les fées ont feté &
qui est pu vieille que Dieu, mais ie dy Dieu le cadet, mais ieumes
de la malusion : Car en passant dessou le Pont de Baugenla que le
grand Diable à fait tout de trauers iu beaudise éto du cu y ny vt vn
bougre qui verdit du haut du pont tout dret dans la marmite, mais
aussi le couzin Gaston me bailly de bon argent, Quand ie me vy si
riche, dame ie voulu reueny en poste, mais coume ie vlés parlé au
Image de la page