[retour à un affichage normal]

Mazarinade n° E_1_80

Image de la page

Anonyme [1652], LE SESANVS ROMAIN AV ROY, L’ABBREGÉ DES CRIMES DV PROSCRIPT MAZARIN. , françaisRéférence RIM : M0_3667. Cote locale : E_1_80.

au nom de toute l’Europe, de tous vos amis & alliez :
vous demande iustice ; voyons si vous la luy pouvez
refuser, & si pour des personnes de neant, il faut reietter
la voix de Dieu, puis que celle du peuple est
ainsi nommée, sa qualité de Prince de vostre sang, &
tres-humble subiet vous y oblige.
 
Les Rois, Sire, ont esté instituez & establis à ceste
fin : car laisser la terre à la discretion des hommes, viure
sans iustice, c’est à dire sans societé, est chose du
tout impossible ; d’où est venu que les hommes mesmes
se sont ordonnez des loix, si nous en croyons
nos liures, & les sainctes lettrés nous apprennent
que les Roys ont esté faits de la main de Dieu pour
regir les peuples. Aussi leur office n’est autre que de
faire iugement & iustice, (dit S. Hierosme) & deliurer
de la main des calomniateurs ceux qui sont opprimez
par la force & la puissance.
Ie suis (dit vn grand Prince) celuy d’entre les mortels
qui a esté aggreable & esleu pour representer les
Dieux en terre, arbitre de la vie & de la mort du peuple,
& distributeur de la fortune d’vn chacun.
Considerez & meditez ses paroles, Sire, & vous
verrez à quoy vous estes obligé. Le Prince (dit Seneque)
doit prendre vn soing entier de la chose publique,
se charger des bonnes & mauvaises fortunes du
peuple, s’oublier soy mesme pour l’amour de ses suiets,
estre importuné de divers messagers, respondre
à tous, auoir l’œil sur tant de villes, nations & prouinces,