[retour à un affichage normal]

Accueil > recherche > Affichage d'une occurrence en contexte

Mazarinade n° C_10_3

Image de la page

Anonyme [1649], LE SECRET DE LA PAIX. OV, LA VERITABLE SVITTE DV THEOLOGIEN D’ESTAT A LA REYNE. , français, latinRéférence RIM : M0_3627. Cote locale : C_10_3.


rauir en vn funeste moment qui enseueliroit toutes nos
ioyes.
 
Pleust a Dieu que vous eussiez maintenant deuant les yeux
tout ce qui se passa dans Paris, a cét auguste iour qui vous fit
la Mere d’vn Dauphin ; Personne ne s’estimoit alors mal heureux
apres auoir veu naistre la Felicité, & personne aussi ne
vouloit estre heureux que par sa naissance. Paris dissipa ce
iour la toutes les furies de la Guerre, & arbora par tout les
estandarts de la Paix, il ouurit autant de bouches qu’il y auoit
par tout de feux de ioyes, & il alluma autant de flammes qu’il
y auoit d’Estoilles au Ciel.
O Louys le Iuste, disoit-il, Fauory du Tout-puissant, qui
ne dira que vous estes nay pour la seconde fois à ce iour auquel
vous nous auez dõné ce pourtraict animé de vos vertus.
O Anne d’Austriche, quoy que vous soyez accouchée sur le
tard, vous ne laissez pas d’estre vne mere tres heureuse d’vn
Enfant, qui n’est pas tant nay pour vous, que pour le salut de
cette Monarchie ! O France ce nouuel Isaac espanouira ton
cœur, & tu receuras des consolations de celuy dont tu ne
peux encore receuoir des parolles ! O combien de chaisnes
ses delicates mains briseront, combien ouuriront-elles de
prisons, combien finiront-elles de bannissemens, combien
de cachots ses petits yeux esclaireront, & combien de Monstres
seront escrasez soubs les pieds de cet Enfant, Taisez-vous
flots, taisez-vous tempestes, & rendez vous dociles aupres
du berceau de ce sacré Dauphin : Puissances celestes ne
nous l’enuiez pas de long temps, prestez-nous pour vn siecle
celuy que vous nous auez donné apres tant d’années de prieres.
Qu’il aille au delà des proüesses de ses Ayeux, & quoy
que nay a condition de mourir, qu’il ne trauaille iamais que
pour l’immortalité. Qu’il souhaitte d’estre ayme, qu’il craigne
d’estre craint, que les iniustes le ressentent comme vengeur,
les opprimez comme vn liberateur, les ennemis comme vn
cœur Martial, & les subjets comme vn Roy de Paix & de
merueilles.
Voila, MADAME, ce qui se disoit pour lors dans Paris,
voila quels estoient les sentimẽs de vos meilleurs subiets,