[retour à un affichage normal]

Mazarinade n° A_7_43

Image de la page

Anonyme [1649], LE SANGLANT THEATRE DE LA GVERRE D’ALLEMAGNE, HEVREVSEMENT CHANGÉ EN VN glorieux Thrône de Paix. OV REGNE EN SOVVERAINE CETTE Deesse, qui ne soulage pas seulement les peuples affligez: mais qui reunit encore les Princes & les Potentats de l’Empire auec l’Empereur. , françaisRéférence RIM : M0_3580. Cote locale : A_7_43.

depuis de publier par tous les endroits de leur
domination, que c’estoit vn faux bruit que les
François, & les Suedois auoient semé de la Paix
de l’Empereur auec eux ; que sa Maiesté Imperiale,
estoit plus resolu que iamais de la continuer,
en leur faueur, & qu’on verroit plustost
le feu s’accorder auec l’eau, que de voir iamais
ses ennemis mortels reconsiliez.
 
Du mesme temps que cette race de More
publioit ce mensonge en Italie, à Naples, en Sicile,
& aux autres lieux de son obeyssance, pour
par ce moyen releuer les esperances de ces peuples,
qu’elle voyoit bien estre fort abatus par
tant de mauuais succez qui leur arriuoient tous
les iours, le mal heur pour la France voulut
qu’elle fut des vnie pour quelque temps, & que
la connoissance en vint à nos ennemis. Quels
auantages n’espererent point tous les Espagnols
de cette diuision, dont le desordre n’estoit nay
qu’à dessein de rendre auec le temps, les affaires
du Royaume de France, plus tranquiles & plus
asseurées que iamais ?
Ce petit grabuge, qui ne dura qu’enuiron,
deux ou trois mois, & que le Ciel ne permit arriuer,
que pour purger la Monarchie, & la rendre
en suitte plus saine & plus robuste qu’elle
n’auoit point encore esté, fut vanté pour la submersion
vniuerselle de l’Empire François, par
les Espagnols, & à leur dire la reuolte de Naples,