[retour à un affichage normal]

Accueil > recherche > Affichage d'une occurrence en contexte

Mazarinade n° A_9_8

Image de la page

Anonyme [1650], LE REVERS DV PRINCE DE CONDÉ EN VERS BVRLESQVES. Et le regret de quitter la Ville de Paris, pour aller loger au Chasteau de Vincennes. , françaisRéférence RIM : M0_3546. Cote locale : A_9_8.



Tesmoin ce que chacun sçait bien :
Car pour ne le flater en rien,
On tient que depuis Catalogne
Il n’a pas fait bonne besongne,
Et de mauuaise il ne fera
Tandis qu’au donjon il sera.
Il est dedans à la bonne heure,
Et Dieu vueille qu’il y demeure
Tant que pour le tirer dehors
Paris remuë son grand Corps,
Ou recommance le grabuge
Qu’il fit pour sauuer le bon Iuge :
Ce bon Iuge est le vieil Broussel,
Dont la ceruelle a tant de sel ;
Car lors il se pourroit attendre
A ne voir iamais tente tendre,
Et iamais de camp ordonner,
Si ce n’est pour enuironner
Ou bien Charenton ou Vincennes :
Car pour auoir trop fait des siennes
Il est dedans, & s’y verra
Plus long-temps qu’il ne luy plaira.
Ma foy lors que ie considere
L’autheur d’vne grande misere
Estre le sujet de nos ris,
I’auouë auecque tout Paris,
Que l’homme est vne beste estrange
Puis qu’en si peu de temps il change,
Et que tel loin de faire mal
Comme il fit l’autre Carnaual,
Il se laisse reclure, pleure,
Iure, deteste, maudit l’heure