[retour à un affichage normal]

Accueil > recherche > Affichage d'une occurrence en contexte

Mazarinade n° B_19_23

Image de la page

Anonyme [1650 [?]], LE REVEILLE-MATIN DE LA FRONDE ROYALLE, SVR LA HONTEVSE PAIX de Bourdeaux. , françaisRéférence RIM : M0_3537. Cote locale : B_19_23.



Le Cardinal Mazarin a si malicieusement mis en vsage
depuis quelque temps ces pernicieuses maximes en France,
que leurs suittes nous ont assez fait connoistre combien leur
pratique est dangereuse & funeste à vne Monarchie, qui
n’a accoustumé de subsister que par la douceur, & par la Iustice,
puis qu’elles ont esbranlé si souuent le trône de nostre
ieune Monarque, & auec tant de danger, que son authorité
a beaucoup perdu de son esclat toutes les fois que
sa Maiesté a suiui les pernicieux conseils de son Ministre !
O monstre plein de cruauté ! ô vaze rempli du sang des
François ! ô auare insatiable, & Ministre sans honte, que ta
police est differente de celle de nos Souuerains, & que tes
desseins abominables sont esloignez du sentiment de nos
Rois.
Ce beau Polytique, qui dans l’esperance qu’il auoit de
s’aller auec le Duc de Candalle, a fortifié son pere le Duc
d’Espernon dans le dessein de rassasier son auidité, d’acquerir
des richesser (quoy qu’insatiable) aux despens du peuple ;
voulant à cette fin le rendre si absolu en Guyenne,
qu’il y peust aisément exercer tous ses brigandages, n’a pas
fait difficulté de prostituer honteusement l’authorité Royale,
de hazarder la personne du Roy, & de tout risquer pour se
faire valoir dans la resolution qu’il auoit prise, de maintenir
contre toute sorte de iustice son nepveu presomptif dans la
suruiuance du Gouuernement de Guyenne.
Ce Ministre si interessé dans le seruice du Roy, n’a pas
dis ie, fait difficulté de hazarder sa Maiesté aux iniures du
chaud & du froid, dans vn voyage de deux cens lieuës,
pour la rendre tesmoin oculaire du peu d’intelligence qu’il
a à gouuerner vn Estat, exposant le ROY à la honte de voir
chasser ignominieusement deuant ses yeux vn Gouuerneur,
pour la seule conseruation duquel, abandonnant la
France à la discretion des ennemis, il a desgarny nos Frontieres,
pour mener deux armées entieres deuant Bourdeaux,
chercher le cimetiere des plus illustres personnages