[retour à un affichage normal]

Mazarinade n° B_19_23

Image de la page

Anonyme [1650 [?]], LE REVEILLE-MATIN DE LA FRONDE ROYALLE, SVR LA HONTEVSE PAIX de Bourdeaux. , françaisRéférence RIM : M0_3537. Cote locale : B_19_23.

Royalle pour s’acquerir de la gloire, par le bon
succez qu’il esperoit de la subuersion de cette Prouince,
qui monstre assez ouuertement à toute l’Europe que la
valeur du Generalissime Iules, n’estoit pas si considerable,
qu’elle n’ait honteusement eschoüé dans son port,
dans lequel il a submergé la gloire de l’Estat, pour y releuer
la sienne, par l’establissement qu’il y croyoit faire
de sa race, en fabricant sur le sang du peuple le mariage
d’vne de ses Princesses, auec vn homme qu’il a perdu de
bien, d’honneur, & de reputation, pour cela seul qu’il là,
voulu Mazariniser.
 
Apres que ce grand Ministre a esté contraint de donner
par force aux Bourdelois beaucoup plus qu’ils n’eussent
demandé de bon gré, il s’est porté à vne telle extremité
d’impudence, que soûmettant auec vanité la gloire
de l’Estat à celle de sa propre personne, il n’a pas eu de hõte
d’offrir aux Bourgeois, aux despens & à la confusion
du Roy, le desdommagement entier de leur armemente
si le Parlement venoit en Corps le salüer ! impertinence
qui n’a pas encore trouué là des limites, mais par vn debondement
d’arrogance insupportable, il a esté assez ozé
de persuader la Reyne de faire deffences au Parlement
de voir Monseigneur le Duc d’Anjou, ny Mademoiselle,
s’ils ne vouloient aussi aller faire hommage à son premier
Ministre, esleuant insolemment la corruption du sang de
sa race en pareil degré que la pureté de celuy de celle de
nos Rois.
Mais comme ce sont des excez de gloire & de superbe,
dont on ne peut apparemment tirer d’autres consequences,
que celle de la honte que la France reçoit en souffrant
toutes ces extrauagances ; ie reuiens à ses autres mazarinades,
dont les suittes sont si dangereuses, qu’ayant
introduit les diuisions en France, elles pourront encore
renuerser le trosne si l’on n’y remedie promptement.
Outre que la detention des Princes a esté l’action du
monde la plus perilleuse à entreprendre, la fin, pour laquelle