[retour à un affichage normal]

Accueil > recherche > Affichage d'une occurrence en contexte

Mazarinade n° C_2_15_4

Image de la page

Anonyme [1649], LE QVATRIESME BABILLARD DV TEMPS EN VERS BVRLESQVES. , françaisRéférence RIM : M0_556. Cote locale : C_2_15_4.



I’auois mis en oubliance
A dire au benin Lecteur,
Que quelque personne d’honneur
M’a asseuré qu’à la porte
De la Conferance vne hotte
Fut prise, où il y auoit deux fonds
Qui n’estoient remplis de chapons :
Mais bien de dix paires de lettres,
Qu’vn garçon portoit à ces traistres,
A ces voleurs de Mazarins.
Traistres, cruels & inhumains,
Qui vouloient mettre en souffrance
Les Deputez de nostre France,
Leur faisant par force signer
Ce quel on a veu condamner.
C’est ce qui cause qu’en Bretagne
Vn chacun se met en campagne.
Par tous les Bourgs & les Villes
On donne au Duc de Longueuille
Hommes & viure, aussi de l’argent
Aucun n’est trouué negligent,
Et mesme plusieurs Gentils-hommes
De volonté parfaite & bonne,
Ont fait Monstre il y a vn mois,
Et il s’approche ceste fois,
Vne belle gendarmerie
Pour renuerser ceste furie,
Iurans que bien-tost marcherons
Sur le ventre à ces Rodomons,
Et qu’ils emporteront les testes,
Pour tesmoigner de leurs conquestes.
Et ce qui fasche Mazarin,
C’est d’entendre que S. Martin
Ce braue Gaillard la Chaussée
A ce coup a la main armee
Auec Monseigneur de Reitz,