voudroient pas exercer, tant il est vray qu’il est ennemy du
Roy & de son Estat, ainsi qu’il a esté equitablement declaré
par Arrest, auec confiscation de ses biens.

C’est vn effet de vostre diuine sagesse, tres-Eminente Socieré,
vous serez à iamais loüée d’vne si saincte entreprise, vous
en sortirez à vostre gloire, qui sera eternelle ; les plus grossiers
& impies approuuent vostre procedé, qui est dans l’approbation
& veneration de tous les Estrangers, qui ont des preuues
sensibles de vos vertus heroïques. Vous triomphez des parques,
du temps, & du sort, & acquerez vne eternelle renommée.

Ainsi que les lignes de la circonference visent & se terminent
au poinct du centre, qui est le lieu de leur repos ; de mesme
par analogie, la France, toutes les parties qui la composent,
ne tendent qu’à la perte de son oppresseur, qui est decisif
& de droict, où elle trouuera son salut, la fin de ses maux,
& le commencement de ses ioyes ; c’est où tend son argument
& sa conclusion ; les pieces productiues sont visibles & apparentes,
& les faits connus ; ne reste plus qu’à cette excellente
Compagnie à prononcer, c’est la tres-humble exoration que
fait cette pauure souffrance, ie veux dire France.

L’Oracle de verité, qui fait la gloire des bien-heureux, a
protesté dans son Euangeliste, qu’à telle mesure qu’on aura
mesuré, on le sera de la sorte, & que les immisericordieux ne
trouueront point misericorde. Mazarin s’est seruy de la grande
aulne pour extorquer les biens d’autruy, ses plus forts delices
n’ont tendu qu’à la vengeance & au sang tyranniquement
épandu, sans pitié ny compassion, ny acte de misericorde :
Donc i’ay raison de conclure, qu’elle ne luy doit point
estre faite ; car quiconque viole les Loix, doit perir par icelles.

FIN