C’est ainsi que lors que la moyenne region de
l’air est foible pour resister à la violence d’vne
grande exhalaison que sa chaleur & sa seicheresse
poussent en haut, où elle est mesme attirée
par le Soleil, cette exhalaison qui estoit serrée
auparauant, lors qu’elle estoit en païs ennemy,
venant à s’eslargir & s’estendre en la haute
region de l’air qui luy est amie, forme souuent
vn comete qui pour estre plus proche de nous
que le Soleil paroist à nos yeux plus grand &
plus lumineux que cét astre, & nous estonne
d’autant plus que son éclat est extraordinaire &
menassant.

Les siecles vieux nous ont fourny beaucoup
d’exemples d’vne verité si reconnuë : mais
comme le nostre se peut nommer le siecle
des monstres & des prodiges, il emporte
l’auantage sur tous les autres en ce fatal sujet ;
ie puis dire auec raison que depuis le regne des
anciens Maires du Palais, la France n’a rien veu
de pareil à ce qu’elle vient d’esprouuer sous le
mynistere de deux Cardinaux qui nous ont veritablement
plongez dans le labyrinte où nous
respirons à present sans aucun espoir d’en sortir
que par le secours de la mort, que nous souffrons
mille fois en viuant, auant que de receuoir
ce soulagement qui nous est infaillible
apres tant de maux. Ceux qui ont bien examiné