digne de cét Homme originaire d’vne Terre si
feconde en Monstres & en Tyrans, & qui ayant
esté si fatale aux François par ces Vespres, ausquelles
elle a donné le nom, nous est vne leçon
de veiller auec soin à nostre conseruation, &
d’apporter toutes les precautions necessaires
pour empescher que ce Sicilien ne se restablisse
par vn semblable evenement ; & sur toutes choses,
de nous resouuenir de la Fable des Loups,
dont se seruit autrefois Demosthenes en vne
semblable occasion, lesquels ainsi que cét Orateur
representa au Peuple d’Athenes, promirent
la paix aux Brebis, pourueu qu’elles voulussent
leur livrer les Mâtins qui les gardoient. C’est la
pretention de cét Escriuain, lequel en nous persuadant
d’abandonner le Prince, pour l’amour
de nostre repos & de nostre tranquillité, veut faire
par les traits de sa plume, la mesme chose que
firent les Soldats de Cesar auec le tranchant de
leurs espées, par le commandement de leur General,
dans la Bataille de Pharsalles.

Enfin pour conclurre, puis que nous sommes
joints d’interests, nous devons estre pareillement