besoin du bras de la Iustice pour les soustenir.
Aussi les anciens Registres, depositaires des Oracles
de cette celebre Compagnie, sont remplis de deliberations
importantes, pour le bien & la conseruation
du Royaume pendant la minorité des Princes, &
nous lisons que les mariages des Enfans de France ne
se faisoient que par l’aduis de ses sages Moderateurs
de l’Estat, pour monstrer qu’ils n’auoient pas seulement
l’administration des biens, mais aussi des personnes ;
de sorte que nous pouuons dire, ce que Vegetius
appliquoit à ce grand Senat Romain ; Eius fidei
atque virtuti, fortuna ciuium, tutela Imperij, salus vrbium,
Reipublicæ gloria debetur. Mais laissons-là des preuues
qui nous sont domestiques, & passons aux anciennes
ordonnances du Royaume, & aux loys fondamentales
de nostre Monarchie.

Encore que dans ce Royaume toutes choses fleschissent
sous les commandemens du Roy, & se sousmettent
à sa souueraine puissance, que nos Rois qui
ne tiennent leur Empire que de Dieu & de leur espées,
ayent vne authorité absoluë, & vne souueraineté Monarchique,
neantmoins ils ont apporté vn tel temperament,
qu’ils n’ont iamais voulu que leurs volontez
& ordonnances fussent tenuës pour loys, ou qu’elles
emportassent vne necessité d’y obeïr, auparauant que
la Cour les eust declarées iustes, digne loy de l’Empire
du peuple François, le plus doux & le plus libre de
tous les peuples, & qui a donné à la France les plus
iustes & les plus grands de tous les Rois.

Ce meslange & cette moderation de puissance receuë