extraits en quelque façon, & comme exprimez des
entrailles d’vne affaire, que les Rhetoriciens Grecs
ont appellé pour cela [illisible], si rien ne
fait voir le Ciel plus clairement que les Estoiles, parce
qu’elles sont de la substance du Ciel mesme, qu’elles
en sont les parties plus espaisses & plus ramassées, des
preuues qui viennent naturellement, qui naissent de
la chose mesme, donnent bien plus de iour & de lumiere.
Quædam sunt probationes quæ ex re ipsa descendunt,
dit la Loy. Combien les argumens qui viennent des
personnes mesmes, doiuent estre plus dignes & plus
excellens, car ce sont des preuues viuantes, des preuues
parlantes & animées, lesquelles persuadans d’elles-mesmes,
il n’est plus besoin d’autre discours, les paroles
sont oysiues & superfluës, & l’aduantage que nous
auons par ce moyen est tel, que le gain de nostre cause
est tout entier entre nos mains.

Nous remarquons en cette belle Remonstrance
que vous fistes au deffunct Roy, de glorieuse memoire,
en six cens quinze, & qui a depuis esté donnée
au public, des exemples illustres de l’authorité, en laquelle
tous nos Rois successiuement ont conserué
leurs Compagnies Souueraines. Charles V. ioignant
la Iustice à la puissance Royale, ne declaroit iamais
la guerre, & ne traittoit d’aucune affaire importante
que par l’aduis de son Parlement, luy qui s’estoit acquis
dans toutes les Nations ce haut tiltre de Sage,
faisoit gloire d’auoir retiré l’vne de ses Prouinces d’vne
main estrangere, par vn Arrest de son Parlement.
L’on sçait ce qui arriua du temps de Loüis XI. Prince