& trauaux, que non pas autrement : Et si en
donnant vn Benefice il en retire vn autre, il est
aysé de cognoistre que c’est pour satisfaire au
grand nombre des pretendants, & pour n’estre
pas en danger d’encourir la Simonie : En
vn mot, il n’est Ministre d’Estat que conformément
à l’intention du deffunct Roy, qui
auoit cogneu ses merites, la Sentence du Sage
se verifiant en sa personne, sçauoir que le Ministre
intelligent est aggreable au Roy, outre
que sa gloire & le plus haut de sa fortune est
attachée à la France, & que nous ne voyons pas
ce que feroit vn François s’il estoit en sa place ;
Quoy qu’on recognoisse aujourd’huy feu
Monsieur le Cardinal de Richelieu (que Dieu
absolue,) pour vn des Restaurateurs de la France,
il n’estoit pas toutefois exempt, ny mesme
le Roy, des calomnies & medisances, quand
ils viuoient ; Il faut donc loüer la prudence de
la Reyne qui n’agist que par conseil, suiuant
l’Oracle du sainct Esprit : Que si toutes choses
ne reüssissent pas selon nos souhaits, nous deuons
recognoistre la foiblesse des hommes qui
ne sont pas infallibles en leurs desseins, ny inuincibles
en leurs entreprises : Car si hominis
est præparare, Domini est dirigere.

Genes. 42.

Genes. 47.

Prou. 14. acceptus
est Regi
Minister intelligens.

Prou. 12. Sapiens
est qui
audit Consilia.

Prou. 6.

On dit, quoy que la Reyne aye son conseil,
elle doit neantmoins elle-mesme, veiller & cognoistre
l’estat du Royaume ; Ie l’aduouë, &