où il aura participé, la mauuaise coustume
de plusieurs de nostre nation estant de censurer
la resolution des choses où ils n’ont pas esté appellez.
Ce corps ainsi composé de tant de celebres
personnages, rendra vostre Majesté tant
plus auguste, embrassant les conseils de la
vraye prudence exposant ses actions au iour &
reiettant toute sorte de flaterie indigne d’vn
Roy de vostre merite, qui ne fera rien que
nuëment & à descouuert, & qui ne veille estre
connû de tous : non pas, SIRE, qu’il n’y
ayt de certains misteres au Gouuernement d’vne
si grande Monarchie qui ne desirent le secret
& le silence : car, sacramentum Regis abscondere
bonum est, & arcana celare eximia virtus viuis,
eximia est virtus præstare silentiarebus, & contra grauis
est culpa tacenda loqui. Et qui pour n’estre declaré
ne deuant pas estre proposé, ny resolu en vn
cõseil ouuert ; duquel neantmoins tout homme
sage & discret ne doit auoir la curiosité de s’enquerir
plus auant que de ce qu’on luy en doit
communiquer.

C’est là où la prudence de Vostre Majesté
apportera le temperamment qu’elle iugera estre
plus à propos, donnant sur tout cette impression
à ses peuples qu’Elle agit de soy-mesme :
Et que de plusieurs conseils soient publics
ou particuliers, Elle sçait tousiours eslire & suiure
le meilleur, sans les espouser par faueur ou