Roy approchant de Paris ; On feroit vne haye de
cent mil hommes depuis Paris, iusques à S. Denis,
lesquels ne respiroient que la sacrée personne
du Roy, & sa presence : Sur quoy ils asseurerent,
que ce seroit en bref : mais qu’il falloit voir le
Roy, & qu’ils auroient Audience sur le midy.

L’heure venuë, les Marchand, s’assemblerent
dans le Iardin des Peres Cordeliers, & de la furent
en Corps & en Ordre au Chasteau, reuestus
de leurs Robbes de Garde, & la furent introduits
par le Sieur Saintot Maistre des Ceremonies, qui
les conduisist dans la Galerie Neufve où ils furent
bien vne demy heure, attendant que le Roy fust
reuenu de la Messe, apres quoy estant de retour
ils furent conduits dans vne Salle ou estoit Sa
Majesté accompagnée de la Reyne sa Mere, de
Monsieur le Duc d’Anjou, de Monsieur de Vandosme,
& autres Grands Seigneurs du Royaume,
de Monsieur le Chanceliers, de Monsieur le Garde
des Sceaux, de Monsieur le Sur-Intendant
des Finances, de Messieurs les Secretaires d’Estat,
& autres Officiers de la Couronne, là ces Deputez
prosternez à deux genoux aux pieds de Sa
Majesté, le Sieur Patin fist sa Harengue, supplia
tres-humblement le Roy d’honnorer Paris de sa
presence, & d’y apporter la Paix, & la tranquilité