Si le Cardinal Mazarin auoit gardé vne mediocre
judice, dans la distribution des graces,
que la faueur du Roy luy a donné ; Il auroit peu
ou point d’ennemy pour ce regard : Mais ce qui
est conneu à tous, & qui a esté dit cy-deuant
fait voir le mensonge de son Aduocat, qui attribuë
tousiours à la force de son esprit, ce
qu’il doit à la bonté de la Reyne & à la jeunesse
du Roy, desquels la protection qu’ils donnent
à ce Ministre, est totalement ruineux à l’Estat ;
& lequel est plus accusé de s’estre aquis ce bõheur,
par l’vsage des charmes, que par aucune
qualité naturelle ; puisque d’vn commun accord,
on ne luy en trouue aucune de recommandable.

p. 21.

Il ne faut que se souuenir de la perte de Gralines,
du Catelet, de la Capelle, de Trin, & de
tant d’autres places ; Il ne faut que voir comme
celles de Barcelonne, de Cazal, & de Donquerque,
sont ineuitables, pour juger si le defenseur
du M. est receuable & veritable ; & si l’on est mal
fõdé, de l’accuser d’intelligence auec les Ennemis,
auec lesquels il se veut bien mettre, pour
trouuer vn Azile, quand Dieu aura exaucé nos
vœux, & donné la force à nos armes, de le
chasser de ce Royaume, si on ne luy fait finir
ces iours honteusement.