Saint-Julien,? [?] [1649], LE TROISIESME COVRRIER FRANÇOIS, TRADVIT FIDELLEMENT en Vers Burlesques. , françaisRéférence RIM : M0_2848. Cote locale : C_2_42_03.
Page précédent(e)

Page suivant(e)

-- 10 --


Par qui nous enuoyons chier
Le Cardinal & ses complices,
Et tous adherans de ses vices,
Ce iour nostre Cour fit Arrest
Dans lequel à Messieurs il plaist
Pour faire vn reglement vtille
Aux rentes de l’Hostel de Ville
Que les rentiers qui sont presents
A l’exclusion des absents
Soient payez de leurs arrerages ;
Enioint aux payeurs s’ils sont sages
D’obeïr ponctuellement
A ce iuste commandement

 

 


Le Mardy vinrent quelques bandes
Tant Polonoises qu’Alemandes
Au Bourg la-Reine pres Paris,
Dieux quels cruels chariuaris
Que de mal de bosse & de playe
Faisoient-ils ? lors que la Boullaye
Braue Marquis, mit en morceaux
Plus de trente de ces pourceaux
Outre que ce Chef de courage
Ouurit vertement le passage
A cent quatre-vingts & dix-neuf
Charrettes de bled, sans le bœuf
Qu’au nombre de deux cents soixante
Ou de trois cents que ie ne mente
Il amena par son Conuoy
Malgré les Ennemis du Roy.

 

 


Ce iour les Officiers de Ville
Pour rendre le chemin facile
A tous les partis qu’on conduit
A cheual le iour & la nuit,
Par vne Ordonnance deffendent
Aux Bourgeois qui les chaisnes tendent
De les tendre sans mandement
Page précédent(e)

Page suivant(e)

Saint-Julien,? [?] [1649], LE TROISIESME COVRRIER FRANÇOIS, TRADVIT FIDELLEMENT en Vers Burlesques. , françaisRéférence RIM : M0_2848. Cote locale : C_2_42_03.