De luy courir sus comme au loup
A qui chacun donne son coup :
De le poursuiure à son de cloches,
Qu’il luy soit donner des taloches,
Par tous ceux qui le trouueront :
Cependant Trouppes se feront
Pour la seureté des entrées
Et pour l’escorte des denrées
Ce mesme iour vinrent icy
Messieurs les Bouchers de Poissy,
Disant que sortis à leur guise
Pour auoir de la marchandise,
On leur a fait signifier
Vn arresté du Chancelier,
Qui porte vne deffence expresse
D’achepter des bestes à graisse ;
Deffend à tous Marchands forains
D’en deliurer entre leurs mains :
Nonobstant laquelle deffence
La Ville en eut sa suffisance,
Et ce iour vescut à gogo
Plus que Monsieur de Gainego :
Quoy qu’à la Reine on veüille dire
Que nous n’auons pas dequoy frire,