ou par les lasches. Ie me condamnerois moy mesme
si i’auois quelque chose qui pût flatter les sentimens
des fous,ou des meschans, pour qui i’ay
conçeu vne haine plus que mortelle. Pour peu
qu’on iette les yeux sur moy, où qu’on preste l’oreille
à mes discours, on reconnoistra sans difficulté
que ie suis de l’humeur de ce Hippias, qui ne
pouuoit souffrir que dans les Republiques bien
Policées, il n’y eut point de Loix contre les calomniateurs,
où il y a des supplices de cernez cõtre les
autres criminels & certes i’ay tousiours beaucoup
estimé cet ancien Orateur qui veut qu’on fasse vn
sacrifice du calomniateur, de la mesme façon qu’õ
preuient le serpent que l’on tuë auant qu’il ait ietté
son venin. De sorte qu’auec ces bonnes qualitez
dont ie me puis vanter sans crimes, ie crois qu’il
me sera loisible d’exprimer icy mes sentimẽs auec
ma franchise ordinaire. La declaration que ie viens
de faire, de n’auoir point frequenté les demeures
des grands, & de n’auoir point approché du Trosne
des Roys, est vne preuue manifeste de mon
ignorance en l’art de gouuerner, & partant que
ce n’est pas aux meschans Politiques que i’en veux
qui sont auiourd’huy le but des médisans, ces atroces

Page précédent(e)

Page suivant(e)