ne nous doiuent-ils pas faire plus d’horreur que
ceux cy, dont la rougeur ne vient point d’vne cause
pareille, ou qui est produite par le sang mesme
que ceux qui les poursuiuent ont versé pour nostre
defence Non non, Messieurs, croyons que la
defense est iuste de quelque part qu’elle vienne ; &
la main d’vn frere que d’vn autre, & qu’on a souuent
besoin du secours d’vn estranger pour
nous sauuer de ses attaintes. Ne nous laissons
point aussi attendrir par cette pensée, que le Roy,
du pauillon de l’eminence de Charonne, veid en
quelque sorte cette entrée des troupes estrangeres
à Paris, puis que loin d’en auoir esté chassé
tout le monde souhaite de l’y reuoir auec des passions
incroyables, & qu’il n’y que le seul Mazarin
qui le tienne esloigné Aussi dans ces discours
Pathetiques qu’on fait pour émouuoir les cœurs
des foibles par cet aymable nom de Roy, on trouuepar
tout le serpent caché parmy les fleurs, puis
qu’il y a par tout du Mazarin. Ie prierois aussi
volontiers l’autheur de cette lettre, de me faire
conceuoir comment ce qui se fit lors dans
Paris, pût estre fait en presence du Roy, pretendu
chassé de la Ville, & comme vn Roy qu’on
peint triomphant au milieu d’vne puissante armée,
se peut dire dans vn honteux exil, si ce n’est
qu’il est honteux à sa Maiesté, de traisner par tout

Page précédent(e)

Page suivant(e)