qui n’est pas libre, ne sçauroit rien contracter
dequoy elle ne se puisse faire releuer, selon
qu’il est porté par les loix, par les statuts, par
les coustumes, & par les ordonnances de ce
Royaume ; & quand bien elle ne le voudroit
pas faire, ceux qui ont interest en la cause le
peuuent faire en son nom, puis que le vouloir
& le ne vouloir pas, ne sçauroient estre employez
pour vne mesme chose. Donc le Roy en
faisant voir par sa premiere Declaration qu’il
vouloit que Mazarin fut chassé de l’Estat comme
nous venons de dire a fait voir pareillement
aussi qu’il ne pouuoit plus vouloir le contraire
de ce qu’il a voulu par vne Declaration si solemnelle
& si authentique que celle qu’il a faite à
la veuë de Dieu, des Anges, & des hommes.
Il n’est pas permis aux Roys, quelques souuerains
qu’ils puissent estre, de monter sur le
thrône de la Iustice pour ce moquer impunement
de leurs Declarations, puis que leur Maiesté,
leur honneur, leur bonne foy, l’estime
qu’on fait d’eux, & la seureté publique, si trouuent
engagées. Plus ils sont esleuez au dessus
du reste des mortels, & plus ils sont obligez de
seruir d’exemple. Il n’y a ny condition ny raison
qui les puisse exempter de tenir la parole qu’ils
ont si solemnellement donnée à tout vn peuple.

Page précédent(e)

Page suivant(e)