afin que vous en soyez loüé, & vn chacun
incité à vous seruir fidelement.

Au contraire si vous donnez en secret, on dira que
vous n’estes pas liberal, qu’on ne sçait à qui vous
donnez, & que vous donnez, trop à aucuns, & que
pour celà vous leur donnez en secret : Et que vous
ne recompensez pas ceux qui le meritent.

Voyez, SIRE, quel vilain & pernicieux conseil
on vous a donné sur l’establilement de ceste petite
espargne, qui est plustost vne male espagne, & vne
inuention propre pour maintenir & faire durer à
tousiours vostre necessité, à la ruine de vos pauures
subiects, & au preiudice de vostre reputation. Car
on peut dire, auec grande apparence, qu’vne despence
si grande ne peut estre faicte ainsi en secret,
sans grande corruption & iniustice : dont les coniectures
sont grandes : D’autant que si vostre argent
estoit bien employé, & en choses vtiles & necessaires,
on ne verroit pas en ce Royaume les affaires
de consequence demeurer, en arriere, faute d’argent.

Il n’y a plus d’argent à present pour fournir extraordinairement
aux faits de la iustice par tout ce
Royaume : Les crimes ne sont plus punis & poursuiuis
à vos frais, & n’en fait on puls de iustice, s’il n’y
a partie ciuile. Les maistres des Requestes, Tresoriers
de France, Maistres des Eaües & Forests, Esleuz,
& autres qui sont tenus pour le deu de leurs
charges, d’aller d’an en an en cheuauchée, n’y vont
du tout plus, ou si peu que ce n’est que mine, faute
d’argent : Les postes, courriers, & autres qui marchent
pour vostre seruice, sont en toutes les peines
du monde d’estre payez, faute d’argent : Si vous faites
vn don à quelque mediocre personne de valeur &
de merite, il demeure court auec ses expeditions, &
ordinairement n’a que du papier ou parchemin, faute