Et faussé son dernier serment
Par vn estrange changement ?
Tout beau, Messieurs, laissez moy dire,
Il n’est pas encor temps de rire,
Vous n’estes pas, où vous pensez,
S’il vous souuient des maux passez,
Vous en aurez bien dauantage
Malgré tout vostre tripotage,
Et ce Duc, par vous tant flaté
Que vous auez enfin porté
Par vn coup à la Mazarine
A vous faire vn peu bonne mine
Par vn coup de mesme façon
Vous prendra tout sans hameçon.
Et pour mieux pescher en eau trouble
Il va ioüer à quitte ou double.
N’a-t’il pas de-ja finement
Atrapé quelque diamant
Auec plus de cent mille liures
Dont on auroit bien eu des viures
Pour nourrir vos pauures soldats
Qui le plus souuent n’en ont pas ?
Que Iules luy fasse largesse
S’il veut de toute sa richesse,
Et des gros rubis de ses doits
Qui sont le pur sang des François,
Quelque grand present qu’il luy fasse
Il le prendra de bonne grace,

Page précédent(e)

Page suivant(e)