Anonyme [1652], LE TOVR BVRLESQVE DV DVC CHARLES. , françaisRéférence RIM : M0_3788. Cote locale : B_8_60.
Page précédent(e)

Page suivant(e)

-- 14 --


Tu differes trop ton retour,
Ne t’arreste plus à la Cour,
Et tire promptement tes chausses
Sans croire à des promesses fausses :
Car tu ne tasteras iamais
De Stenay, Clermont, ny Iamets

 

 


Quoy ! tu sembles branler au manche :
O Dieux ! que ton ame est peu franche :
Voudrois-tu bien tromper le Roy ?
Va, Gaston ne veut point de toy,
Il ne veut point d’vn infidelle,
Qui va, comme fait l’hirondelle,
A tout vent, & de tout costé,
Auec trop de legereté.
Vn inconstant, & mercenaire
Ne fut iamais propre à bien faire,
Et ie t’asseure cependant
Que nous gagnons en te perdant :
Va donc, sors promptement de France,
Et vois ; mais auec asseurance,
Que tu ne r’entreras iamais
Dans Stenay, Clermont, ny Iamets.

 

 


Ouy, c’est en vain que tes pensées
Aussi tardiues qu’insensées
Te le font encor esperer :
En vain tu penses recouurer
Par quelque feinte repentance
Ce que tu perds par ta constance :
Page précédent(e)

Page suivant(e)

Anonyme [1652], LE TOVR BVRLESQVE DV DVC CHARLES. , françaisRéférence RIM : M0_3788. Cote locale : B_8_60.