mal que ce Sesanus faict.

Tibere fust merueilleusement blasmé de ce
qu’il ne fist aucune iustice des plaintes qu’on faisoit
contre les vices, des Consuls & Commissaires
qu’il auoit establi és Prouinces, au preiudice des
ordonnances de Rome, & d’Auguste son predecesseur,
& dit l’histoire que ce fut vn des premiers
traits qu’il fit d’vn meschant Prince.

On vous pippe, on vous ruine, on vous trahit,
& vous ne voyez pas que ce Sesanus vit dans la
confusion, comme le poisson dans l’eau trouble,
que l’orage & la tempeste de l’Esté est son pot asseuré,
que la concorde & la paix est sa ruine, les
guerres ciuilles ne sont iamais vtiles qu’aux meschans,
qui ne craignent pas moins la paix que la
peste, ayant en tout euenement deuant les yeux
la resolution de Catilina, lequel disoit qu’il n’auoit
peu esteindre par eau le feu pris en sa maison,
mais l’esteindroit en la ruinant, & de faict, il fust
à vn poinct pres de perdre l’Estat, si le conseil de
Ciceron n’y eust remedié.

La presence des Princes est vn Soleil bien clair,
ou bien fort contre les broüillards de ce Sesanus, il
a beau espoissir ses nuees impures d’orgueil, d’auarice,
d’iniustice d’ambition, de tyrannie, les
rayons de ses Soleils dissipent tout, les fondent en
eau liquide & leur font rendre gorge, c’est ce que
ce Sesanus craint, c’est la meditation qui l’occuppe,