auec l’asseurance des cinquante mille escus ordonnés
a ceux qui l’ameneront mort ou vif à
Iustice, seruit de motif a ces deux Capitaines
de commander 1500. Cheuaux qui attendirent
en embuscat proche de Chasteau Tierry, ledit
C. Mazarin & son escorte apres qu’ils eureut
descouuert trois ou quatre escadrons des ennemis,
l’impatience d’attendre le reste leur fit
donner dessus, & se ayant trouué vne grande
resistance ils perdirent la proye qu’ils croyent
tenir Car tandis que ces premiers escacrons
combattirent les autres de larriere garde ou
estoit le C. Mazarin & son bagage eurent le
loisir de gaigner pays du costé qu’ils estoient
partys, & la peur les ayant encores rendus plus
diligens a donner des esperons. Le C. Mazarin
monté à l’aduantage se trouua hors du danger
& s’en retourna a Compiegne ou estoit la
Cour, où il arriua le mesme iour 24 du moys.
Ce second retour est d’autant plus considerable
qu’il est tout a fait opposé au premier.

Car le premier retour fut auec triomphe &
applaudissement au lieu que cestui cy s’est fait
auec honte & infamies. Il est bien vray que
quelques vns estiment que le Cardinal Mazarin
n’a iamais eu dessein de se retirer tout
de bon hors de France, & qu’il a fait semblant