ces cinq royales plantes que le ciel a faict naistre pour le bien
de la couronne. Il fait reluire sa pieté, monstre sa magnificẽce
aux bastimens, sa prouidence aux finance, sa liberalié aux
pensions, son iugement au choix des hommes, sa viuacité aux
responces, sa Magnanimité aux accidens, sa Foy enuers
ses alliés, sa Moderation en tout temps, sa Prudence en toutes
choses, sa Iustice enuers tous. Inuincible à la peine, iamais oisif.
Sa Royale cheuelu en est blanchie que de veille & d’experiences
Les lauriers qui couronnent sa teste ont esté cueillis
sur le champ victorieux de trois batailles rangees de trente
cinq rencontres d’armées, cent quarante combats où il a cõbattu
de sa main & en trois cens sieges de places. Et de tout
cela s’est formée ceste grande Renommée qui par la singuliere
prouidence & grace de Dieu le rend Protecteur de la tranquilité
publique, le Restaurateur de l’Estat, l’Ornement de
l’Eglise, l’Arbitre de la Chrestienté, les Delices du monde.